ပန်ခမ်း အစည်းအဝေးနှင့် ဆက်စပ်၍

ပန်ခမ်း အစည်းအဝေးနှင့် ဆက်စပ်၍

ပန်ဆန်းကနေ ပန်ခမ်းနံမည်ပြောင်းတာက ၀ ဗေဒင်လား ယတြာလားတော့ မသိ။ ၀သပ အနေနဲ့ မြန်မာပြည် နိုင်ငံရေးနဲ့ ကင်းကင်းနေရာက နိုင်ငံရေးထဲ ၀င်ပါလာတာက ကောင်းတဲ့ လက္ခဏာပါဘဲ။ ဒါပေမဲ့ အကောင်းနဲ့ အဆိုးကို ချိန်လိုက်ရင်တော့ ယေဘုယျအားဖြင့် အကောင်းဘက်ကို သိပ်မမြင်နိုင်ဘူး။

ကြံ့ဖွတ်စစ်အာဏာရှင်တွေက ၀သပနဲ့ ကေအိုင်အိုကို ကိုးကန့် တိုက်ပွဲမှာ ပတ်သက်ကြောင်း ပြောတော့ ၀သပနဲ့ ကေအိုင်အိုတို့ ဆတ်ဆတ်ခါ ငြင်းပြပုံက သူတို့ ရန်သူငြိုငြင်မှာ စိုးရိမ်တာက်ု သိသာစေပါတယ်။ အစည်းအဝေး နေ့မှာ အမည်မသိလူနှစ်ယောက်ကကပ်ထားတဲ့ တိုင်းရင်းသားတွေ စုစည်းပြီး မင်းအောင် လှိုင် ဆန့်ကျင်ရေးပိုစတာကြီး ကို လည်း ၀သပက ကမန်းကတမ်း ဖြုတ်သိမ်းလိုက် ဖမ်းဆီးလိုက် တာတွေ ကလည်း ၀သပရဲ့ သဘောထားကို ပေါ်လွင်စေခဲ့ပါတယ်။ရန်သူအပေါ် ဒီလိုငြိုငြင်ငြူဆူမှာ စိုးတဲ့သဘော ထားရှိတဲ့ အဖွဲ့တွေဆီက ကျွန် တော်တို့ အဖိနှိပ်ခံ ပြည်သူတွေ အနေနဲ့ ဘယ်လောက် မျှော်လင့် အားထားနိုင်မလဲ တွေး ကြည့် နိုင်ပါတယ်။ ကိုးကန့်နဲ့ အတူ တိုက်ပွဲဝင်နေတဲ့ TNLA နဲ့ AA တို့ဘယ်လို ခံစားကြမလဲ စဉ်းစား လို့ရပါတယ်။

ဝသပဟာ UNFC စုစည်းထားတဲ့ အင်အားစုတွေကို အားလုံးကို အသိအမှတ်မပြုခဲ့လို့ UNFC နဲ့ ၀သပမူဟာ တစုံတရာကွဲလွှဲနေတာလည်း တွေ့မြင်လိုက်ရပါတယ်။ ဒါကြောင့် ဒီပွဲမှာ UNFC က အထိနာရပါတော့တယ်။ တကယ်ဆို ၀သပက UNFC မှာထဲထဝြင်ဝင်ပါဝင်ပြီး မူဝါဒကို ခိုင်မာကျစ် လစ်အောင် ၀ိုင်းလုပ်သင့်ပါတယ်။ ၀သပအနေနဲ့“၀”အမျိုးသားပြည်နယ်အဆင့်ရရေးကိုဦး စားပေးတောင်း ဆိုထားလို့ ဦးဆောင် ကျင်း ပတဲ့ဝသပက တပြည် လုံးကိစ္စအပေါ်မှာ အလေးထားမှု ကို ပေါ့ ပျက်နေတာပေါ်လွင်ခဲ့ပါတော့တယ်။ ၂၀၀၈ ဖွဲစည်းပုံ ပြုပြင်ရေးနဲ့ အသစ်ရေးဆွဲရေး မှာ ပြုပြင်ရေး သဘောထားသာ ဒီအစည်းအဝေးမှာကျလို့ စစ်အာဏာ ရှင်တွေအနေနဲ့ ဘာမှပူပန်စရာရှိမယ် မထင် ပါ။ ပြင်ရေးက အော်နေတာကြာပါပြီ။ ကြံ့ဖွတ်ထဲကတောင် အော်နေကြပါတယ်။ လုပ်တာမလုပ်တာ က နောက် တဆင့်ပါ။ ပညာရေးနဲ့ လယ်ယာမြေအသိမ်းခံရတဲ့ ကိစ္စတွေကို တလုံးတပါဒမျှ မညွှန်းဆိုခဲ့ လို့ တပြည်လုံး အတိုင်အတာ  အရေး သိပ်ပတ်သက်ချင်ပုံ မရပါ။ ဒီတော့လည်း ပြည်သူထုတွေက ဘာကို တန်ဖိုး ရမ လဲ ရှာဖွေဖို့ကို ခက်ပါ လိမ့်မယ်။

အထိအနာဆုံးမှာ NCCT ဂယိမ်းဂယိုင်ဖြစ်သွားရတာပါဘဲ။ အဖွဲ့သုံးဖွဲ့က နုတ်ထွက် မယ်ဆိုတော့ NCCT ရဲ့ အနာဂါတ်က မရေမရာတော့ပါဘူး။ ပန်ခမ်းအစည်းအဝေးက တရုတ်ရဲ့ ပတ်သက်မှုကို ကြိုဆို တာဖြစ်လို့ မြန် မာပြည် နိုင်ငံရေးမှာ အရင်က ခပ်လျှိုလျှိုနေခဲ့တဲ့ တရုတ်ဟာ ပေါ်ပေါ်တင်တင်ပေါ်လာ စရာရှိပါတယ်။ အမေရိ ကန်နဲ့ တရုတ်တို့ အားပြိ်ုင်ကွင်းအဖြစ် မြန်မာပြည်ဟာ ဖြစ်နေတာကြာပါပြီ။ တရုတ်တဦးတည်း ပြိုင်ဘက်မရှိ မင်းမူနေရာက Cobral Gold တွေဘာတွေတိုးဝင်လာတော့ မြန် မာပြည်နိုင်ငံရေးက ပိုရှုပ်ထွေပြီးစိတ်ဝင်စား စရာ စိုးရိမ်စရာဖြစ် လာ နေပါတယ်။ ဒီတော့ ပြည် သူတွေ၊ နိုင်ငံရေးပါတီတွေ အနေနဲ့ ရှေ့ဝေးဝေး လှမ်းမျှော်ကြည့် ထားကြဖို့ လိုပါ လိမ့်မယ်။

ပြည်သူတွေ အတွက် ပန်းခမ်း အစည်းအဝေးက ထိထိမိမိအကျိုးရှိစရာ မမြင်ပါ။ ဖြစ်လာတဲ့ NCCTပြဿနာ နဲ့ တင် UNFC က သုံးလေးလလောက် အလုပ်ရှုပ်နေဦးမှာပါ။ UNFC ကိုယ်တိုင်က တိုင်းရင်းသားတွေချည့်သာ စုထားတဲ့ အဖွဲ့ပါ။ ဒါဟာ ၈၈ နောက်ပိုင်း ပေါ်ခဲ့တဲ့၊ ကျယ်ပြန့်တဲ့ ဒီမိုကရေစီအင်အားစုတွေ၊ တိုင်းရင်းသား အင်အား စုတွေပါတဲ့ DAB ( မြန်မာပြည် ဒီမိုက်ရက်မဟာမိတ်အဖွဲ့) ထက် ကျဉ်းပါတယ်။ ဒါဟာ ရန်သူဝိုင်း ပတ်တိုက်ရေးကို စွန့်လွှတ်ရာကျပြီး တိုင်းရင်းသားတွေလှုပ်ရှားမှုနဲ့ ဗမာကို ခွဲရာကျတဲ့ အတွက် အုပ်စိုးသူ စစ်အာဏာရှင်တွေအကြိုက်ဖြစ်နေပါတယ်။ ဒီနေရာမှာ ဒီမိုကရေစီပညာရေး အတွက် လှုပ်ရှားတာကို ဖိနှိပ်လို့ ဆန့်ကျင်တိုက်ပွဲဝင်ပြတဲ့ DKBA က ဗိုလ်ဆန်းအောင်ကို  အသိအမှတ်ပြုကြရမယ်။

အခွင့်အခါသင့်လို့ လွန်ခဲ့တဲ့ UNFC ညီလာခံမှာ “ အလုပ်သမား တယောက်ဟာ ဘယ်လောက်ပဲ အား ကောင်းကောင်း ဗလကြီးကြီး အလုပ်ရှင်လူဘလံတယောက် ကို မနိုင်နိုင်ဘူး၊ အလုပ်သမားတွေးဝိုင်း ဆန့်ကျင်မှ နိုင်နိုင် မယ်” လို့ ကျွန်တော်ပြောခဲ့ပါတယ်။ အခုလည်းစစ်အာဏာရှင် တိုက်ဖျက်ရေး အတွက် ဗကပ(ဗမာပြည် ကွန်မြူနစ်ပါတီ) အပါအ၀င် တက်ကြွ လှုပ်ရှားချင်သူ ဗမာတွေရော တခြားလူမျိုးတွေကိုပါ အားပေး ထောက် ခံပြီး ရန်သူကို ဘက်စုံက၀ိုင်းတိုကနိုင်အောင်လုပ်ရမှာပါ။ ခွဲထား ချန်ထားတာ မလုပ် သင့်ပါဘူး။ ပြည်သူ့ အရေးတော်ပုံ အဖြစ် ဖန်တီးရမှာပါ။ကျွန်တော်တို့တပ်ပေါင်းစုတွေရဲ့ အားနည်းချက်က မူပေါ်မှာ မရပ်ကြဘူး၊ မူတူရင် ပေါင်းစည်းလုပ်ကိုင်ရဲ ကြရမယ်။ လူမျိုးတွေ၊ ဂိုဏ်းဂဏတွေဆိုတာက ရန်သူကို သွယ်ဝိုက်ပြီး အကျိုးပြု နေတာကိုသိသင့် ကြပါတယ်။

ရန်သူက စီးပွါးရေးမက်လုံး၊ ရွေးကောက်ပွဲမက်လုံး၊ အပေါ်ယံဟန်ပြ အပြောင်းအလဲလေးတွေနဲ့ လှည့်စား ရင်း နံမည်အမျိုးမျိုး၊ အရည်အတွက် အမျိုးမျိး အစည်းအဝေးတွေလုပ်ပေးရင်းသွေးခွဲနေ တယ်။ဖြေဖျော်နေ တယ်။ စစ်အအာဏာရှင် စံနစ်ကို ကျားကန်ထားတဲ့ ၂၀၀၈ဥပဒေအောက်မှာ ပြည်သူလူထုတွေကို နယ်ပယ်အားလုံမှာ ဖိနှိပ်သွေးစုတ်ရင်း လက်ဝါးကြီးအုပ်စစ် မြေရှင် ပဒေသရာဇ် စံနစ်ကို ခိုင်မာသထက် ခိုင်မာအောင်လုပ်နေတယ်။ ကျောင်းသားတွေ၊ လယ်သမားတွေဟာ လက်ထိပ်တန်းလန်းနဲ့ ထောင် ထဲဝင်နေကြရတယ်။ သတင်းမီဒီယာ တွေလည်း အမျိုးမျိုး ချုပ်ချယ်ခြိမ်းခြောက်ခံရတယ်။ တော်လှန်ရေး အဖွဲ့ ဆိုသူတွေက ပြောင်လက်တဲ့ ခန်းမ ဆောင်ထဲမှာ ရန်သူနဲ့ အရက်ခွက်ချင်း ခွတ်နေကြတယ်။ ဒီလို အချိန်အခါမျိုးမှာတော်လှန်ရေး အမြင်ရှိသူ ပြည် သူအကျိုးပြုချင်သူတွေဟာ အဖိနှိပ်ခံပြည်သူအားလုံးအတွက် နည်းနာပေါင်းစုံနဲ့ ပြင်းပြင်းထန်ထန် ကြံ့ဖွတ် စစ်အာဏာရှင်ကိုဆန့်ကျင် တိုက်ဖျက်ဖို့ လိုနေပါတော့တယ်။

ဖိနှိပ်ခံတို့ ညီညွတ်ကြ။

ဘုံရန်သူ ကြံ့ဖွတ်စစ်အာဏာရှင်ကို ၀ိုင်းတိုက်ကြ။

ဒီမိုကရေစီနဲ့ လွတ်လပ်မှု ရကိုရရမယ်။   

ဦးအေးဆောင်

မေ ၈ ။ ၂၀၁၅။