ထချမှ နအဖ ပြုတ်မည်။ --- စစ်အာဏာကို ပြိုစေလို ဝိုင်းဝန်းဖြိုဖျက် တစ်ယောက်တစ်လက် --- တောရော မြို့ပါ၊ ဝိုင်းတော်လှန် ဧကန်ပြုတ်ကျ - နအဖ၊ ပြည်သူ့ဘက်က ရပ်တည်လိုလျှင် ပြည်သူ့လွတ်မြောက်ရေး တပ်သို့ ဝင်ပါ။ ဆက်သွယ်ရန် P.O Box (168) Mae Ping 50301, Chiang Mai Thailand - Email plfburma@gmail.com

Saturday, March 19, 2016

ဘာဆက်လုပ်ကြမလဲ။




ဘာဆက်လုပ်ကြမလဲ။
အလျှော့ပေး၊ အရှုံးပေးတာတွေအကြိမ်ကြိမ်လုပ်ခဲ့ဘူးတဲ့ ဒေါ်စုက အခုနောက်ဆုံး လူပြောသူပြောများပြီး စကားစစ်ထိုးပွဲတွေ၊ အငြင်းအခုံပွဲတွေဆူပွက်သွား တဲ့ သမတနေရာကိုလည်း လက်လွှတ်လိုက်ရပြန်ပါပြီ၊ ဒါဟာ နိုင်ငံရေးအရ သင်းသတ်ခံလိုက်ရတာကို မပြောဘဲ သိကြပါတယ်၊ ဒါပေမဲ့ အဖါးသန်၊ အမြှောက်သန်တဲ့ ကျွန်တော်တို့ လူထုတွေက သမတ အထက်မှာရှိတယ်လို့ မှန်းဆဖြေသိမ့်ရင်း သူရဲ့ အရှုံး ကို ကာကွယ် အမွှန်းတင်ကြတာကို ကြားတွေ့နေရပါတော့တယ်။အရှိကို အရှိအတိုင်းမြင်တာနဲ့ ကဲ့ရဲ့ အပြစ်တင်တာက တခြားစီဆိုတာကို ကျွန်တော်တို့ တတွေ ပြင်းပြင်းထန် ထန် လေ့လာထားကြရ ပါတော့မယ်။ ဒေါ်စုက မြန်မာ့ နိုင်ငံရေး သရုပ်လိုဖြစ်နေလို့သာ ညွှန်းနေရတာ ဖြစ်ပြီး လူထုတွေ သိသာစေချင်လို့သာ ပြောပြနေရတာကို သတိပြုစေချင်ပါတယ်။
 တခါ နံမယ်ဆိုးနဲ့ ကျော်ကြားတဲ့ ဗိုလ်မြင့်ဆွေကို  ဒုသမတ အဖြစ်ပေါ်လာရတာကလည်း ဗိုလ်သန်းရွှေက လာမည့်အစိုးရ အဖွဲ့ထဲ ချိန်ကိုက်ဗုံးထည့်လိုက်တာပါ၊ စစ်အာဏာရဲ့ သြဇာအရှိန်အ၀ါရှိစဲဆိုတာကို ထင်ရှားအောင်ပြသ သလို ဒေါ်စုအပါအ၀င် နောက်အစိုးရဆိုတာကိုလည်း လည်ပင်းထုံးထားလိုက်တာပါ ဘဲ။ ကောက်ကျစ်ယုတ်မာတဲ့ အကြံတခုသာဖြစ်ပါတယ်။ ဗိုလ်မြင်ဆွေက အစိုးရသစ်ထဲမှာ အဓိကချယ်လည် သူဖြစ်လာဦးမှာ ဆိုတာလည်း ကြည့်သော သူသည်မြင်၏ ဖြစ်နေပါတယ်။
ဒေါ်စုဘက်ကိုကြည့်တော့လည်း လူထုက ရွေးတင်ပေးလိုက်တဲ့ သူတွေကို တော်တော် ဖိနှိပ် ကွပ်ညှပ်နေ တယ်။ အမှိုက်ကောက်ခိုင်းလိုက်၊ စစ်အစိုးရဟောင်းတွေဆီမှာ သင်တန်းတက် တပြည့်ခံခိုင်းလိုက် ၊ ဟိုဟာ မလုပ်ရ၊ ဒီဟာမလုပ်ရ ဟိုဟာမပြောရ၊ ဒီဟာမပြောနဲ့ လူထုကိုယ်စားလှယ်ဆိုသူတွေဟာ သူငယ်တန်း ကျောင်းသားလေးတွေ လိုဖြစ်နေရတာ မြင်လို့ကြားလို့ မကောင်းပါဘူး၊ ဒီကြားထဲ ဗိုလ်သိန်းစိန်ခေတ်က  ဒုတိယ အမြဲတမ်းအတွင်းဝန်တွေကို စစ်တပ်က လူတွေ ထည့်ခန့်ထားတာကိုတော့ ဘာသံမှ မကြားမိ သေးပါဘူး။ ဒေါ်စုက သူ့ပါတီကလူတွေကို သူသိပ်ယုံပုံမရတာကလည်း အကြည့်ရ ဆိုးတဲ့ ပုံတခုပါဘဲ။
လာမည့်အစိုးရဆိုတာကို ယေဘုယျ ကြည့်လိုက်ရင် “ လက်ဝေခံ အစိုးရ” လို့ ခေါ်နိုင်ပါတယ်။ ဒီလိုဖြစ်ရတာက ၂၀၀၈ ဖွဲ့စည်းပုံအောက်ကို ၀င်ကထည်း က ဖြစ်လာတဲ့ ရလာဒ်ပါ၊ တော်လှန်ရေးနဲ့ တက်လာတဲ့ အစိုးရ တွေသာ ဒီလို ထုံးတား ၊ အကြပ်ကိုင် ၊ ကန်သတ်ချုပ်ချယ်တာတွေကို ဖယ်ရှားနိုင်ပါတယ်။ အခုတော့ တော်လှန်ရေးကို နားမလည်၊ ယုံကြည်မှုမရှိတော့ ဖိနှိပ်သူက အိမ်ဦး ခန်းမှာနေပြီး ပြဿနာအမျိုးမျိး ဖန်တီးနေမှာ ဖြစ်တော့ နောက်အစိုးရ ဆိုတာက အပင်းသွင်းခံရ တဲ့ ရောဂါသည်လိုဖြစ်နေပြီး  မြန်မာပြည် သူလူထုတွေ ဆင်းရဲသံသရာနဲ့ ဒုက္ခသံသရာ ကို တလှည့်စီခံရင်း ပူပန်သောကနေ့တွေ ရှည်ကြာနိုင်ပါတယ်။
ဒါက ဖြစ်လာမည့် အခြေအနေပါ။ ကျွန်တော်တို့က ဒီအခြေအနေကို ထိုင်စောင့်ပြီးငုံ့ခံဖို့ ပြင်နေရမှာလား ဆိုတော့ ဒီစာက အဲလိုစိတ်ကူးတွေကို တိုက်ဖျက်ဖို့ ရည်ရွယ်တာဘဲ။ ကျွန်တော်တို့ ပြောပြောနေတဲ့ “ ၂၀၀၈ ဖွဲ့စည်းပုံ အခြခံဥပဒေ” ဆိုတာ စစ်အာဏာရဲ့ အရိပ်မျှသာဖြစ်တယ် ဆိုတာကို သေသေခြာခြာ သိစေချင်ပါတယ်။ တကယ်က ကျွန်တော်တို့ တိုက်ဖျက်ရမှာက အဲဒီဥပဒေကို ရေးတဲ့၊ ကာကွယ် တဲ့  စောင့်ရှောက်တဲ့ လေးစားတဲ့၊ လိုက်နာတဲ့ စစ်အာဏာရှင်တွေ၊ သူ့အလိုတော်ရှိတွေ ကို ဖေါ်ထုတ် တိုက်ဖျက် ရမှာပါ၊ စစ်အာဏာရှင်နဲ့ စစ်တပ် မတူတာကိုလည်း သတိကြီးကြီး ထားစေချင်ပါတယ်။ ခွဲခွဲခြားခြားမြင် စေချင်တယ်။
ကျွန်တော်တို့ လူထုတွေကြောက်နေကြတာက ဥပဒေ မဟုတ်ပါဘူး၊ သူနောက်မှာ ရှိတယ်လို့ ထင်ရတဲ့ စစ်တပ်ဖြစ်တာကို ဘာကြောင့် မပြောပြကြတာလဲ။ စစ်တပ်ဟာ ပြည်သူ လူထုကိုသာ ကာကွယ်တဲ့ တပ် ဖြစ်အောင်လုပ်ဖို့ရာက ဥပဒေပြင်ရေးထက် အရေးကြီးပါတယ်။
 အစိုးရအဟောင်းဖြစ်ဖြစ် အသစ်ဖြစ်ဖြစ် စစ်အာဏာရဲ့ အောက်မှာ ရှိမြဲရှိနေတာကို ဘယ်သူမှ ငြင်းနိုင် မယ်မထင်ပါ၊ ဒီတော့ စစ်အာဏာရှင် စံနစ်တိုက်ဖျက်ရေး၊ ဒီမိုကရေစီထူထောင်ရေး(စတဒထ)ဟာ ဒီနေ့ ဆက်လုပ် ရမည့်လုပ်ငန်းစဉ်ပါဘဲ၊ စစ်အာဏာကို မတိုက်ဖျက်ဘဲ ဒီမိုကရေစီထူထောင်လို့ မရတာကို တော့ ၆၂ ခုနှစ်ကစ ရာစုနှစ်ဝက်ကျော်ကာလတွေကို ပြန်ကြည့်ရင်သိပါတယ်။ဒီတော့ အိမ်ဦးခန်းမှာနေပြီး၊ အခွင့်ထူး ခံနေတဲ့ စစအာဏာရှင်ဗိုလ်ချုပ်တွေကို စတဒထ လမ်းစဉ်နဲ့ ဆက်လက်ဆန့်ကျင် တိုက်ချဖို့ လိုနေတာကို ရှင်းရှင်းသိ စေချင်ပါ တယ်။
အခုလို စစ်အာဏာရှင်တွေရဲ့ လက်ဝေခံ အစိုးရ ကာလမှာ ကျွန်တော်တို့ ဒီလုပ်ငန်းလမ်းစဉ်ကို ပီပြင် အောင် အကောင်အထည်ဖေါ်ကြရမှာပါဘဲ။ လူထုဘက်က ရပ်တည်မည့်ကိုယ်စားလှယ်တွေကို တိုက်တွန်း ရမှာဘဲ၊ ၊ ဒေါ်စုက စစ်အာဏာရှင်စံနစ်တိုက်ဖျက်ရေးလုပ်မှာ မဟုတ်ပါ၊ ပူပေါင်းမွေးမြူရေး သာလုပ်မယ်ဆိုတာ ၈၈ အရေးတော်ပုံစတော့ ကြားဝင်စေ့စပ်ပေးဖို့ လုပ်ကထည်းကသိနိုင်ပါတယ်။ု၊ စစ်ဗိုလ်ချုပ်တွေပေးတဲ့ လက်ကြား ယိုအခွင့်အရေးလေးတွေကို အမွန်းတင်ရင်း စစ်အာဏာရှင်စံနစ်ကို တိုက်ရိုက်ကော၊ သွယ်ဝိုက်ပါ ကာကွယ် နေပါလိမ့်ဦးမယ်။ ဒီတော့ ဖိနှိပ်ခံပြည်သူတွေက လက်ပံတောင်း တုန်းက လမ်းခွဲသလို ဖြစ်လာ နိုင်စရာရှိ ပါတယ်။ဒီတော့ မတရားတဲ့ ဖိနှိပ်မှုတွေကို ဆန့်ကျင်တဲ့ လှုပ်ရှားမှုတွေဟာ ပြည်သူတွေက ဘဲ ဖေါ်ဆောင်ကြမှာ ဖြစ်လို့ လူထုတိုက်ပွဲလမ်းစဉ်ဘဲ လူထုက အားကိုးကြရပါလိမ့်မယ်။
ကျင့်သုံးရမည့်နည်းနာက လူထုတိုက်ပွဲလက်နက်ကိုင်တိုက်ပွဲ ဖြစ်မြဲဖြစ်နေတယ်။ဒါဟာလက်ရှိလည်း ဖြစ်နေ တာပါ၊ ကျောင်းသားတွေရဲ့ပညာရေးအခွင့်အရေး တောင်းဆိုတိုက်ပွဲတွေ၊၊ အလုပ်သမားတွေ ရဲ့ လုပ်ခလစာအပြည့်ရရေးတိုက်ပွဲတွေ၊လယ်သမားတွေရဲ့လယ်မြေပြန်ရရေးထွန်တုံးတိုက်ပွဲတွေ နိုင်ငံအနှံ့ဖြစ် နေတာ၊ တိုင်းရင်းသားတွေ လက်နက်ကိုင် တိုက်ပွဲဝင်နေကြတာတွေ  တိုးပွါးကျယ်ပြန့်လာနေတာတွေဟာ လူထုတိုက်ပွဲလက်နက်ပွဲလမ်းစဉ်ကို စစ်အာဏာရှင်စံနစ်ဆန့်ကျင်ရေး သဘာဝအတိုင်း အကောင် အထည် ဖေါ်နေတာသာဖြစ်ပါတယ်။ ဒီတိုက်ပွဲ တွေကို တရားသော တိုက်ပွဲတွေ အဖြစ် အသိအမှတ်ပြုပြီး အားပေးထောက်ခံရမှာပါဘဲ။ စစ်အာဏာရှင်တွေရဲ့ လက်ပါးစေလက်ဝေခံတွေကို အပြတ်အသား ဆန့်ကျင်ကြ ရမယ်။
ကျွန်တော်တို့ လတ်တလောလိုအပ်ချက်တွေ ဖြစ်တဲ့-သတင်းလွတ်လပ်မှု၊ နိုင်ငံရေးလွတ်လပ်မှု၊ မတရားမှုတွေ တိုက်ဖျက်ရေး၊ နိုင်ငံရေးအကျဉ်းသား မရှိရေး၊ မြေယာနဲ့ ပုဂ္ဂလိက ပိုင်ဆိုင်မှု အသိအမှတ်ပြုရေး၊ ဘ၀လုံခြုံရေးတွေအတွက် လူထုတိုက်ပွဲ လက်နက်ကိုင်တိုက်ပွဲနည်းနာ ကို ပေါင်းစပ်ကျင့်သုံးဖို့ လိုအပ်မြဲ လို အပ် နေတယ်။ပြည်သူတွေဟာကိုယ့်ဘာသာကာကွယ် နိုင်အောင် ဖွဲ့စည်း လှုပ်ရှား တတ်ဖို့ စုစည်း ကြရလိမ့်မယ်။
နိုင်ငံရေးလွတ်လပ်ခွင့်ဆိုတာ - အဖွဲ့ အစည်းထူထောင်ခွင့်၊ စီတန်းလှည့်လည်ခွင့်၊ ပါတီစုံစံနစ် ပီပြင်စွာ ကျင့်သုံးရေး တို့ ဖြစ်တော့ ကျွန်တော်တို့ ဟာ “ ပန်းတိုင်းပွင့်ပါစေ” ပေါ်လစီလို ကျင့်သုံးကြရ လိမ့်မယ်။ စစ်အာဏာရဲ့ ဖိနှိပ်မှုကို ဆန့်ကျင်တဲ့ လွတ်လပ်တဲ့ နိုင်ငံရေးပတ်ဝန်းကျင်ကိုဖန်တီးထူထောင်ကြရလိမ့်မယ်။ ဒါဟာ စစ်အာဏာရှင်စံနစ်တိုက်ဖျက်ရေး ဒီမိုကရေစီထူထောင်ရေးအတွက် စစ်အာဏာကို ဖြိုချတဲ့လှုပ် ရှား မှုဖြစ်ပါတယ်။
ရွေးကောက်ပွဲတွေ၊ သမတရွေးပွဲတွေ၊ လွှတ်တော်တက်ပွဲတွေက အဓိကဖိနှိပ်သူ စစ်အာဏာရှင်ကို မျက်ခြေပြတ်သွားအောင်လုပ်နေတဲ့ ပရိယာယ်များသာဖြစ်တယ် ဆိုတာကို လည်း အစဉ် အမြဲ သတိထားကြရမယ်။
 ကမ္ဘာ့အင်အားကြီးနိုင်ငံတွေရဲ့ ကမ္ဘာလွှမ်းမိုးရေး စီမံကိန်းတွေထဲမှာ မြန်မာပြည်ဟာ ကင်း ပြတ်လို့ မရသလို ရှောင်လို့လည်း မလွှတ်နိုင်ပါဘူး၊ ဒီတော့ ကျွန်တော်တို့ ပြည်သူတွေ အေးချမ်းသာယာပြီး ဖွံ့ဖြိုးတိုးတက်ဖို့လူတန်းစေ့နေနိုင်ဖို့အရေးအင်အားကြီးနိုင်ငံတွေကြားထဲမဖြစ်ဖြစ်အောင်လုပ်ဖို့ရာမှာ ပြည်သူတွေကို အတွင်း လှိုက် ဒုက္ခပေး ဖိနှိပ်သွေးစုတ်နေတဲ့  စစ်အာဏာကို အဓိကတိုက်ရင်း၊ ဒီတိုက်ပွဲအတွက် အထောက် အကူပြုမည့် ပြင်ပအင် အား တွေကိုလည်း စဉ်းစားစရာဖြစ်လာတယ်။
စစ်အာဏာရှင်တွေနဲ့အခွင့်ထူးခံသူ့လက်ပါးစေလက်ဝေခံအာဏာအစွယ်အပွါးတွေကိုတိုက်ဖျက်ရမှာဖြစ်တော့  ဓနရှင် ဒီမိုကရေစီတော်လှန်ရေး အသွင်ဖြစ်တယ်။ဒီတော့ ဖိနှိပ်ခံ ဆင်းရဲသားအလုပ်သမားလယ်သမား လူတန်းစား  ကို အခြေခံပြီး အမျိုးသားဓနရှင်တွေ၊  အလည်အလတ် ဓနရှင် ပေါက်စတွေ ၊လယ်ပိုင်ရှင် လေးတွေ ၊ ပညာတတ်တွေကို လက်တွဲခေါ်ဆောင်တိုက်ပွဲဝင်ကြရမှာ ဖြစ်တယ်။ လွတ်လပ်တဲ့ ပါတီစုံ ဓနရှင် ဒီအမိုကရေစံနစ်ဖြစ်လို့ အမေရိကန်စံနစ်နဲ့ တူပါတယ်၊ ဒါပေမဲ့ အမေရိကန်ကလည်း အရင်းရှင် ပီပီ သူ့အ ကျိုးစီးပွါးသာကြည့်မှာ ဖြစ်တော့ ကျွန်တော်တို ခံစားနေရတဲ့ စစ်အာဏာရဲ့ဖိနှိပ်တဲ့ ဒဏ်ကို ပျောက်ကင်းအောင် ကုပေးခြင်းထက် လက်ငင်းအမြတ်ကို ကြည့်ရင်း စစ်အာဏာရှင်တွေနဲ့ အပေးအယူလုပ်နေမှာပါ၊ ဒါကြောင့်  အမေရိကန်လိုစံနစ်ဖြစ်ပေမဲ့ စစ်အာဏာ တိုက်ဖျက်ရေး ၊ ဒီမိုကရေစီထူထောင်ရေး ( စတဒထ) လုပ်ငန်းက မြန်မာပြည်က တိုးတက်တဲ့ တော်လှန်တဲ့ အဖိနှိပ်ခံ  ပြည်သူလူထု ပခုံးပေါ် ကျမြဲ ကျနေမှာပါ။ ဒီအချက်ကို အလေးအနက် မသိရင်တော့ နောင်လှုပ်ရှားမှုတွေမှာ ထင်ယောင်ထင်မှားဖြစ်တာ၊တွေဝေယိမ်းယိုင်တာ၊ ဖေါက်ပြန်တာတွေကို ကြုံတွေ့နိုင်ပါတယ်။
ဒီတော့ ဒီနေ့ စစ်အာဏာက မြန်မာပြည်မှာ ပန်းပန်နေတုန်း၊ အိမ်ဦးခန်းမှာ တက်ကြီးစိုးနေတုန်း ဆိုတော့ ကျွန်တော်တို့ ပြည်သူလူထုတွေ အနေနဲ့ လွှတ်တော်ထက် လွှတ်တော်ပြင်ပ လူထုလှုပ်ရှားမှုတွေ တိုးတက် လုပ်ဆောင်ရင်း စစ်အာဏာရဲ့ လက်မဲကြီးနဲ့ အငွေ့အသက် တွေကိုရိုက်ချိုးရမယ်၊ လက်ဝေခံ အစိုးရရဲ့ ဖေါက်ပြန်မှုတွေကို မြင်တဲ့နေရာတိုင်းမှာ ဖေါ်ထုတ်ဖွင့်ချခါ လူထုလှုပ်ရှားမှုနဲ့ ဆန့်ကျင်ကြရပါ လိမ့်မယ်၊ လူထု ကိုယ် စားလှယ်တွေ လူထု အတွက် ကာကွယ်ဖို့ တိုက်တွန်းရပါမယ်။ တိုင်းရင်းသားတွေ ကိုယ်ပိုင်ပြ ဌါန်းခွင့် ရရှိရေးအတွက် လက်တွဲလုပ်ဆောင်ရင်း စစ်အာဏာရှင် တိုက်ဖျက်ရေး၊ ဒီမိုကရေစီဖေါ်ဆောင်ရေး( စတဒထ) ပေါ်လစီကို လူထုတိုက်ပွဲ လက်နက်ကိုင်တိုက်ပွဲ နည်းနာ နဲ့ ဖေါ်ဆောင် ကြဖို့  တင်ပြလိုက်ပါတယ်။

ဘုံရန်သူ စစ်အာဏာရှင်တွေကိုဝိုင်းတိုက်ကြ။
အဖိနှိပ်ခံတို့ ညီညွတ်ကြ။
တော်လှန်ရေး မုချအောင်ရမယ်။

ဦးအေးဆောင်
မတ်လ ၁၉၊ ၂၀၁၆



Wednesday, February 24, 2016

ကမ္ဘာ့ကွန်မြူနစ်အခြေအနေနှင့်ပတ်သက်၍



ကမ္ဘာ့ကွန်မြူနစ်အခြေအနေနှင့်ပတ်သက်၍

စိမ်းမြမြ၀ိုင်းဆောင်းပါးကို ကိုးကားထားတဲ့ ရဲဝင့်အောင်ရဲ့ ဆောင်ပါးကို ရန်နိုင်ထွေးက ဖြန့်ဝေလို့ ဖတ်ရတော့ ကမ္ဘာ့ကွန်မြူနစ်အခြေအနေကို ကျွန်တော် သုံးသပ်ထားတာနဲ့ ပတ်သက်လို့ ဖေါ်ပြချင်စိတ် ကို နိုးထ စေခဲ့ ပါ တယ်။ တကယ်တော့ ကမ္ဘာ့ ကွန်မြူနစ် အခြေအနေကို ဖေါ်ပြတဲ့ မြန်မာဆောင်းပါးတွေ နည်းပါးလွန်းပါတယ်။ ကျွန်တော်ဘဲ မဖတ်မိလို့လားတော့ မသိပါ။
ကမ္ဘာ့ကွန်မြူနစ်လှုပ်ရှားမှုနဲ့ ပတ်သက်ပြီး တတိယ ကွန်မြူနစ်အင်တာနေရှင်နယ် ချုပ်ငြိမ်းသွားရတာ ကို နုမျော နေမိပါတယ်။ ဒုတိယကမ္ဘာစစ်မှာ အဲဒီတုန်းက စတာလင်တို့ဦးဆောင်တဲ့ နိုင်ငံတ ကာကွန်မြူနစ်တွေက ဖက်ဆစ် တိုက်ဖျက်ရေး လုပ်ရာမှာ ရုစဘဲလ်၊ ချာချီတို့နဲ့ ညှိနှိုင်းရာက ကမ္ဘာ့ကွန်မြူနစ် တတိယ အင်တာ နေရှင်နယ်ကို ခေါက်ထားခဲ့တယ်လို့ လေ့လာမိပါတယ်။ စတာလင်ရဲ့ ဒီဗျူဟာက မှန်တယ်မှားတယ် ဆိုတာကိုတော့ စာဖတ်သူကိုယ်တိုင် စဉ်းစားဖို့ ချန်ထားချင်ပါတယ်။
ကျွန်တော်အနေနဲ့တော့ စလာလင်ပေးတာလွန်သွားတယ်လို့ ထင်ပါတယ်။ ဖက်ဆစ်ကို တိုက်ဖို့ ဒီလောက်ကြီး ကွန်မြူနစ်အင် တာနေရှင်နယ် (CI)ကို ဖျက်စရာမလိုလှဘူးလို့ ထင်ပါတယ်။ အခုတော့ CI မရှိတော့ဘူး။ ဒါဟာ ကမ္ဘာ့ ကွန်မြူနစ်လှုပ်ရှားမှုအတွက် ခေါင်းပျောက်သွားရတာပါ။ ဒါအတွက် ၀မ်းနည်းတယ်။
SI(Socialist International) ကို မာက်စ်နှင့် အိန်ဂျယ်လို့ ဦးဆောင်ပြီး ၁၈၈၉ မှာ တည်ထောင် ခဲ့ကြတယ်။အစက ကွန်မြူနစ်မဟုတ်သေးဘဲ နိုင်ငံတကာဆိုရှယ်လစ်ဆိုတဲ့ စုဖွဲ့မှု ဖြစ်တယ်။ ပထမ ကမ္ဘာ စစ်ဖြစ်တော့ “ အဖနိုင်ငံကို ကာကွယ်ကြ” ဆိုတဲ့အမျိုးသားရေးဝါဒကြောင့် ကိုယ့်တိုင်းပြည်ကိုယ် ကာ ကွယ် ရေးပဲလုပ်ကြတော့ CI ပျက်ရတယ်။
ဒုတိယ (SI) ကိုတော့ Anarchisim ( လုပ်ကြံရေးဝါဒ) ကြောင့်ပျက်ရပြန်တယ်။ လုပ်ကြံရေးဝါဒဆိုတာ ပုဂ္ဂိုလ် တဦးတယောက် ဥပမာ ဘုရင် လိုလူတယောက်ကို သတ်လိုက်တာနဲ့ စံနစ်ပြောင်းသွားမယ် လို့ယူဆတာ၊ လူထုကို တော်လှန်ရေးထဲ ပါဝင်အောင်မလုပ်တော့ဘဲ အလွယ်နည်း ၊ ဖြတ်လမ်းနည်းကို အားကိုးတဲ့ အယူအဆဖြစ်တယ်။
တတိယ CI က အထက်မှာပြောခဲ့သလို ဒုတိယကမ္ဘာစစ်မှာ ပျက်တာပါ၊ ၀ါဒအရပြောရရင်တော့ အလျှော့ပေးလွန်ဝါဒ လို့ဆိုရမှာပေါ့။ ဆိုဗီယက်ယူနီယ ပြိုကွဲပြီးတဲ့နောက်၊ ယခင်က ၀င်ရိုးနှစ်ခု ဆိုဗီယက်အမေရိကန် ရှိရာက ၀င်ရိုးတခုထည်း( အမေရိကန်)သာရှိတဲ့ အခြေအနေကိုကမ္ဘာက ရောက် သွားခဲ့တယ်။ ကွန်မြူနစ် စံနစ်က ကျဆုံးပျောက်ကွယ်ပျောက်သွားတော့မယောင် အရင်းရှင်တွေဘက် က ကောင်းကောင်း ၀ါဒဖြန့်ကြတယ်။  အဲဒီအခြေ အနေအောက်မှာ ဘယ်နိုင်ငံမှ အမေရိကန်ငြူစူစေမည့် အလုပ် ကမ္ဘာ့ ကွန်မြူနစ်လှုပ်ရှားမှုကို ဦးဆောင်ဖို့ မလုပ်လိုကြတော့ဘူး။ဝန်လေးနေခဲ့ကြတယ်။ ဒီနေ့က အဲဒီအခြေအ နေအောက်မှာ ကွန်မြူနစ်ဝါဒ ယုံကြည်သူတွေ လှုပ်ရှား နေကြ ရတာပါ။ ရေနည်း ငါးတွေလိုပေါ့။
ဆိုဗီယက်ပြိုကျသွားတာ ၊ တရုတ်ပြည်က အရင်းရှင်စံနစ် ကျင့်သုံးတာ၊ ဗီယက်နမ်က အမျိုးသားရေး ဘက်ယိမ်းတာတွေက ကွန်မြူနစ်ဝါဒပြိုကျတာမဟုတ်ပဲ တိုင်းပြည်တခုချင်းစီရဲ့ အခြေအနေ၊အုပ်စိုးသူတွေရဲ့ လုပ်ရပ်များသာဖြစ်ပါတယ်။ ကွန်မြူနစ်ဝါဒက လူ့သမိုင်းရဲ့ ကြောင်လိမ်လှေခါးအတိုင်း တက်နေတာပါဘဲ။
အခုဆိုရင် ကမ္ဘာကို ပတ်သွေးစုတ်နေတဲ့ လက်တဆုတ်စာသွေးစုတ်သူတွေကို လူတွေသိနေကြပြီ၊ ဖေါ် ထုတ်ကဲ့ရဲ့နေကြပြီ၊ ဥရောပနိုင်ငံတချို့မှာ ဆိုရှယ်ဒီမိုကရက်စံနစ်နဲ့ အလုပ်သမားတွေကိုချွေးသိပ် နေကြ ရတယ်။ကမ္ဘာ့ နိုင်ငံတွေဟာလည်းသီးခြားနေလို့ မရမှန်းသိလာကြလို့ ဥရောပသမဂ္ဂလို၊ အာရှန်လို၊ အဖရိက အသင်း၊ လက်တင်အမေရိကအသင်းလို ၊BRIC  လို ပေါင်းစည်းလုပ်ဆောင်လာနေကြရ တယ်။ကုလသမဂ္ဂလို  စုပေါင်း နေတဲ့နေရာမှာလည်း ကမ္ဘာ့လူထုအကျိုးတကယ်ပြုနိုင်ရေးအတွက် ၀ိုင်း လုပ်နေကြ တာကို တွေ့ နိုင်ပါတယ်။ စုပေါင်းလုပ်တဲ့ လှုပ်ရှားမှုတွေဟာ သီခြားအကျိုးကို ဦးထိပ်တင်တဲ့၊ အတ္တအခြေပြု အရင်းရှင်စံနစ်နဲ့ ဆန့်ကျင် ဘက်တွေ မဟုတ်ပါလား။ကမ္ဘာမှာ အစိုးရတခုထည်းပေါ် ထွန်းရေးဦးတည်ချက်တောင် ပေါ်လာ နေတယ်။ ဒါပေမဲ့ လက်ရှိကာလမှာဘဲ EU ထဲက UK ထွက်မည့် သတင်းရှိ်နေတာကလည်း  သမိုင်းမှာ နောက်ပြန် ဆွဲသူတွေလည်း ပေါ်လာတတ်တာကိုပြနေ ပြန်တယ်။ တရုပ်ပြည်မှာ ဒေါက်တာဆွန်ယက်ဆင်က သမတနိုင်ငံထူထောင်ဖို့ ကြိုးစား နေတုန်း၊ ယွန်ရှီကိုင်ဆိုတဲ့ စစ်ဘုရင် တယောက်က သူကိုယ်သူ တရုပ်ဧကရာဇ်အဖြစ်ကျေညာ ခဲ့ဘူးတယ်။နောက်တောလည့်း ပျောက် ပျက်သွားတာဘဲ။ ဒါမျိုးတွေကလည်း လူ့သမိုင်းမှာ ရှိဘူးတယ်။ ဒါပေမဲ့ လူ့သမိုင်းလှည်းဘီက ရှေ့ကိုဘဲ သွားမှာပါ။ဒီနေ့ကမ္ဘာ့ အပြောင်းအလဲက မြန်ဆန်နိုင်လွန်းလို့ တိုးတက်ပြောင်းလဲမှုလည်း မြန်ဆန်မှာ ဓမ္မတာပါဘဲ။
လူတန်းစားကွာဟမှု၊ ဆင်းရဲချမ်းသာကွာဟမှု၊ အလုပ်လက်မဲ့ပြဿနာ၊ စီပွါးရေးကပ်ဆိုက်မှု၊ ဒုက္ခသည်ပြ ဿနာ၊ ရာသီဥတုဖေါက်ပြန်မှုနဲ့ ပတ်ဝန်းကျင်ထိခိုက်မှုတွေက အရင်းရှင်စံနစ်ရဲ့ မွေးရာပါရောဂါ ဖြစ်နေတာကို ကမ္ဘာ့လူထုက ပိုပိုသိနားလည် လာနေကြတယ်။အရင်းရှင်စံနစ်နဲ့ ဖြေရှင်းလို့ မရတာကို လည်းပိုပိုသိ လာကြတယ်။ကွန်မြူနစ်စံနစ်ကလည်းဆီုဗီယက်မှာ နှစ်ပေါင်းခြောက်ဆယ်ခန့်၊တရုတ်ပြည်မှာ နှစ်ပေါင်း လေးဆယ်ခန့် တွေ့ကြုံဘူးတော့ လူတွေစိတ်မှာ လက်ရှိဘ၀နဲ့ မနှိုင်းယှဉ်ဘဲနေမိမှာ မဟုတ်ပါ ဘူး။ပြင် သစ်ပြည်က အချိန်တို တောင်းလှတဲ့ ပဲရစ်ကွန်မြူန်း အကြောင်းကိုတောင် အကြီးအကျယ်စာဖွဲ့နေခဲ့ကြတာဘဲ။
ဒါပေမဲ့ အခုအချိန်မှာ အားကိုးစရာ ကွန်မြူနစ်စံနစ်ဘက်ကိုကြည့်တော့ အရင်းရှင်ဂိုဏ်းရဲ့ ထိုးနှက်မှုကြောင့် ဒဏ်ရာဒဏ်ချက်တွေနဲ့လဲနေသလို၊ကွန်မြူနစ်အရည်ခြုံ၊ဆိုရှယ်လစ်အရည်ခြုံ၊အချောင်သမားဖေါက်ပြန် ရေးသမားတွေရဲ့ တိုက်ခိုက်မှုကိုလည်းခံနေရတယ်။ကွန်မြူနစ်တွေရဲ့ လှုပ်ရှားမှုက  ပြန့်ကျဲနေပြီး စုစည်းဖို့ မတတ်နိုင်ကြဘူး။ ဒါကြောင့်ဘဲ CI အသစ်ဟာ မပေါ်နိုင်ဘဲ ဒီနေ့အထိ စုပေါင်းခေါင်းဆောင်မှုကို မရ ဖြစ်နေတယ်။ ကမ္ဘာအခြေအနေက ကွန်မြူနစ်ဝါဒဘက်ကို ညွှတ်နေပေမဲ့ ထိန်းကျောင်းတည့်မတ်မည့် CI လိုနေတယ်လို့ ကျွန်တော်ယူဆပါတယ်။
အထက်ကညွှန်းခဲ့တဲ့ စိမ်းမြမြ၀ိုင်း ဆောင်းပါအရ ကမ္ဘာတ၀ှမ်းက ကွန်မြူနစ်ပါတီ အများစုဟာ အမျိုး သားဝါဒကိုမှီခိုနေရတုန်းဘဲရှိနေကြတယ်လို့သုံးသပ်မိတယ်။ဒါကပထမSIလို ဖြစ်လာနိုင်ချေရှိသလို၊ နိုင်ငံတကာစိတ်ဓါတ်ကိုတစုံတရာထိခိုက်နေနိုင်တယ်လို့ယူဆပါတယ်။ ပြန့်ကျဲနေတယ်၊သီးခြားလက္ခဏာ ဆောင် နေကြတယ် ဆိုပေမဲ့ကမ္ဘာမှုပြုခြင်းတွေ၊စုဖွဲ့လာမှုတွေ၊ဆက်သွယ်ဆက်စပ်လ်ာလာနိုင်မှုတွေ၊ နိုင်ငံတကာ ကော်ပိုရေးရှင်တွေရဲ့ ဖိနှိပ်သွေးစုတ်မှုတွေက ကမ္ဘာတ၀ှမ်းမှာ ယေဘုယျဖြစ်နေတဲ့ အတွက် ကွန်မြူနစ် စံနစ်ယုံကြည်သူတွေအဖို့ ဘုံလုပ်ငန်း စဉ်တွေကို ချလို့ရနိုင်တယ်လို ကျွန်တော်က ယုံကြည် နေမိတယ်။
အမေရိကမှာ ဖြစ်ခဲ့တဲ့ Occupy Wall Street လှုပ်ရှားမှုဟာ လက်ဝါးကြီးအုပ် အရင်းရှင်စံနစ် ဆန့်ကျင်ရေး လှုပ်ရှားမှု ဖြစ်ခဲ့ပေမဲ့ ဦးဆောင်ခန်းနဲ့ ရည်မှန်းချက်မဲ့ နေတာဟာ သိသာထင်ရှားတဲ့ အားနည်းချက်ဖြစ်ပါ တယ်။ ဒါကလည်း CI ဟာလိုအပ်မြဲ လိုအပ်နေတာကို ပြသတဲ့ သာဓက ကြီးတခုပါ။ ကမ္ဘာ့အမြင်နဲ့ ယှဉ်တဲ့ ကွန်မြူနစ်တွေရဲ့ အမြင်ကို ဖေါ်ထုတ်ပေးနိုင်ရေးဟာ ယနေ့အခြေအနေမှာ အထူးလိုအပ်နေပါတယ်။
လေ့လာမိတဲ့ အထဲမှာ ဟိုချီးမင်းက အင်ဒိုချိုင်းနား ကွန်မြူနစ်ပါတီ ထူထောင်ဖို့ ကြိုးစားဘူးတယ်လို့ မှတ်သားဘူးတယ်။ ပြင်သစ်လက်အောက်က ကိုလိုနီတွေလွတ်မြောက်အောင်လို့နဲ့ တူပါတယ်။ ဖိနှိပ်သူက တူနေတော့ အဖိနှိပ်ခံတွေလည်း စုနိုင်တာပေါ့၊ အခုလည်း ကမ္ဘာမှုပြုခြင်းက ကမ္ဘာလူထုကိုစုဖွဲ့ဖို့ ပိုမို အားကောင်းစေပါတယ်။ နောက်ထပ်သတိပြုမိတာက ဗင်နီးဇွီးလားက ကွယ်လွန်သူ သမတ ဟူဂို ချီဗာစ်ဟာ သူမဆုံးမီCIအသစ် ဖြစ်ရေးအတွက် ကြိုးပမ်းခဲ့ဘူးတယ်လို့ ဖတ်မိတယ်။ ကြိုးပမ်းသူတွေပေါ်နေတာကို သိစေချင်လို့ပါ။
ဗမာပြည်ကဘခက်ရဲ့ ဘခက်စာအုပ်မှာတော့ သူဟာ CI ရဲ့ အတွင်းရေးမှူးဖြစ်ချင်တယ်လို့ ရေးတာ ဖတ်မိလို့ ။ သူလည်းအမြင်ကျယ်ပြီး အမြင့်ကြံသူတဦးပါလားလို့ မှတ်ချက်ပြုမိတယ်။ သူဘ၀ဖြစ်စဉ်တွေ ကတော့ သူ့ကိစ္စပေါ့။ ရည်ရွယ်ဘူးတာကိုသာ ပြောတာပါ။
ကျွန်တော်ကြိုက်တဲ့ စကားတခုက “ စိတ်ကူးထဲမှာ ဘုရားတည် မငယ်စေနဲ့” ဆိုတဲ့စကားပဲ၊ အများက စိတ်ကူးမိဖို့တောင် တော်တော်ခက်နေတတ်ကြတယ်။ လူတွေနဲ့ ပတ်သက်ပြီး ကျွန်တော်ကိုယ်ကျွန်တော် မှတ်ချက်ပြုမိတာက “ ဒီလောကကြီးထဲမှာ ရုပ်ဝါဒကိုယုံကြည်တဲ့ငါက သဘောတရားတို့၊ ခံယူချက်တို့ကို အလေးထား လိုက်နာပြီး၊ နမ်ဝါဒကိုသာယုံတဲ့ လူတွေက စစ်တပ်တို့၊စာ်းဇိမ်တို့၊ ငွေကြေးတို့ဆိုတဲ့ ရုပ်ပစ္စည်း တွေအပေါ်မှာ အလေးထားတွက်တတ်ကြတာကို ထူးဆန်းစွာ ငါသိလာရတယ်။” လို့ မှတ်ချက်ရေးသား ထားမိဘူးတယ်။
ကမ္ဘာဟာရွာကြီးတရွာလောက်သာဖြစ်နေပြီ၊ သွေးစုတ်အမြတ်သူတွေကိုလည်းသိနေတယ်။ နည်းနာတွေ လည်း သိနေ တယ်ဆိုရင် ကမ္ဘာလူထုကြီးကို စုစည်းနိုင်တဲ့၊ရှေ့ဆောင်နိုင်တဲ့ CI အဟောင်းတွေ လည်းပေါ်ဘူးခဲ့တယ်။ CIအသစ်ကဘာကြောင့် မပေါ်နိုင်ရမှာလဲလို့ ကျွန်တော်တို့ မတွေးသင့်ဘူးလား။ ကွန်မြူနစ်တွေရဲ့ စံနစ်နဲ့ လှုပ်ရှားမှုကသာ လက်ရှိလူ့လောကမှာ လောက နိဗ္ဗာန်လိုပေါ်ထွန်းလာအောင် လုပ်နိုင်မှာလို့ ကျွန်တော်က အခိုင်အမာယုံကြည် မျှော်လင့်ရင်း - ။
 ကမ္ဘာ့ဖိနှိပ်ခံတို့ညီညွှတ်ကြ။
အနာဂါတ်ဟာ အတွက်တိုက်ပွဲဝင်ကြ ။

ဦးအေးဆောင်
ဖေဖ၀ါရီ ၂၄၊ ၂၀၁၆။

Sunday, November 22, 2015

ရွေးကောက်ပွဲအပြီး နိုင်ငံရှေ့ရေး



ရွေးကောက်ပွဲအပြီး နိုင်ငံရှေ့ရေး

ဒီမိုကရေစီမင်းသမီးကြီးရဲ့ ကကွက်တွေကို လူကြိုက်များတဲ့အတွက် ၂၀၁၅ နိုဝင်ဘာရွေးကောက်ပွဲမှာ သူကမဲအပြတ်နဲ့နိုင်တော့ ပြည်သူတွေရဲ့ အိမ်မက်တွေ မျှော်လင့်ချက်တွေ ပြန်လည်နိုးထ တော့မယောင် နဲ့ ပျော်မြူးပြီး စိတ်ကူးစိတ်သန်းအသစ်လေးတွေ ပေါ်ပေါက်နေတာကို မြင်ရတော့ စာနာထောက်ထားပြီး အား ပေးချင်စိတ်ကို နိုးဆွစေခဲ့ပါတယ်။
ရာစုနှစ်တ၀က်ကျော် စစ်အာဏာရဲ့ ကြီးစိုးမှုအောက်မှာ ဖိနှိပ်မှုအမျိုးမျိုး၊ ကောက်ကျစ်မှုအမျိုးမျိုး၊ လိမ် လည်မှု အမျိုးမျိုး တွေကြောင့် ပြည်သူတွေအနေနဲ့ စစ်အစိုးရအပေါ်ယုံကြည်စိတ်တွေ ပျက်ပြားနေခဲ့ ရတယ်။ ရွေး ကောက်ပွဲရလာဒ်ဆိုတာကလည်း ၉၀ ပြည့်နှစ်ကအစ စစ်အာဏာရှင်လက်ထဲက နှံပြည် စုတ်ငှက်က လေး လို အသေအရှင်က သူတို့ပေါ်ဘဲတည်နေခဲ့ရတယ်။ အခုလည်း ရထားတဲ့ ရလာဒ်ကို တကယ် ကောင်အထည်ဖေါ်ပေးဖို့အရေး ဆိုင်ရာ ပိုင်ရာတွေ၊ နိုင်ငံခြားသြဇာတွေ၊ မျက်နှာချို သွေး ရမှုတွေနဲ့ ကျား ကန်နေရတာကလည်း  သံသယစိတ်ကို မပွါးဘဲ မနေနိုင်ခဲ့ပါဘူး။တကယ်တော့လည်း ပြည်သူတွေရဲ မဲဟာ အမှတ်တံဆိပ်တခုသာဖြစ်နေပြီး အထဲက ပစ္စည်းမှန်မမှန်က အပြန်ပြန်အလှန် လှန်စစ်ယူရဦးမည့် ကိစ္စတွေ ရှေ့မှာ တန်းစီနေပါတော့တယ်။
မနေ့တနေ့က ဗိုလ်သန်ရွှေမြေး ဖိုးလပြည့် ဒေါ်စုနဲ့တွေ့တယ် ဆိုတာဟာ အကာင်းမြင်စရာတွေ၊ အဆိုး မြင်စရာတွေ ပေါ်လာနိုင်စေခဲ့ပါတယ်။ဒါဟာ ဗိုလ်သန်းရွှေရဲ့ နိုင်ငံရေးပရိယာယ်ရွေ့ကွက်ပါ။သေချာတာက ဒေါ်စု အနေနဲ့ လစ်ဘရာယ်ကျကျ တုန့်ပြန်ဖို့ကများပါတယ်။  အာဏာဟာ မြန်မာပြည်မှာ ပုဂ္ဂိုလ်ရေးပေါ် တည် နေခဲ့တာ ကြာခဲ့ပါပြီ။ အခုကော ပုဂ္ဂိုလ်ရေးပေါ် တည်တုန်းဘဲမို့ နိုင်ငံ့သြဇာရှိပုဂ္ဂိုလ်တွေ လှုပ်ရှားပုံကို အကဲခတ်ကြည့်ရင် သိနေဦး မှာ ပါ။ဒီမိုကရေစီရဲ့ စံနှုန်းက ဤမှာတင်ကျပါတော့တယ်။ ဒါကို ပြည်သူတွေ စီစစ်ကြည့် တတ်ဖို့လိုနေတယ်။ ဒီအတွက် ပြည်သူ့ဘက်ကရပ်တည်မည့် သူတွေက မျက်စေ့ဒေါက် ထောက်ကြည့်၊ ကြိုတင် ပြောဆိုဝေဖန်ကြဖို့ အသင့်ပြင်ထားသင့်ပါတယ်။
ဒေါ်စုကတွေ့ချင်ပါတယ် ဆိုတဲ့ ဗိုလ်သိန်းစိန်နဲ့ ဗိုလ်မင်းအောင်လှိုင်တို့ တုန့်ပြန်မှုကလည်း ကစားကွက် တခုဖေါ်နေတာကို တွေ့နိုင်တယ်။ ဗိုလ်သိန်းစိန်က နိုင်ငံရေးပါတီတွေနဲ့ တွေ့ စည်းရုံးတာ၊ NCA လုပ်ငန်းမှာ နိုင်ငံရေးပါတီက လူတွေနဲ့ စုဖွဲ့ပေးပြီး ချည်နှောင်လိုက်တာကလည်း ဒေါ်စုရဲ့ အာဏာကို ကန့်သတ် လိုက်သလို လူမွေးသြဇာထူထောင်လိုက်တာဖြစ်နေတော့ အခုကတည်းက အားပြိုင်နေတာကို တွေ့နိုင်ပါတယ်။ တကယ်ဆို ဒီအလုပ်တွေဟာ နောက်လာမည့် အစိုးရက လုပ်ဆောင်ရမည့် အလုပ်တွေ မဟုတ်ပါလား။ဒီလုပ်ရပ်က ပြည်တွင်းနိုင်ငံရေးရော၊ တောတွင်းလက်နက်ကိုင် တွေကိုပါချုပ်ကိုင်ဖို့ စစ်အာ ဏာရဲ့ခြေကုတ်ယူလိုက်တာပါ။
ပြည်တွင်းနိုင်ငံရေးမှာ တိုးတက်ဂိုဏ်နဲ့ ဖေါက်ပြန်ဂိုဏ်းရှိနေမှာဖြစ်ပြီး စစ်အာဏာရှင် အလိုတော်ရှိ၊ ပေါင်း စားမည့် ဖေါက်ပြန်ဂိုဏ်သားတွေများမှာကတော့ ခလေးတွေကအစတွက်တတ်တာမှာပါ။ ဒီတော့ ပြည် တွင်းရှိ တိုးတက်ဂိုဏ်တွေက အောက်လက်က ခွပ်ရကိန်းကြုံနေမှာပါ။ ဒေါ်စုကလည်း ပင်းချင်းပင်းရင် ဖေါက်ပြန်ဂိုဏ်းဘက်ပင်းနိုင်ပါတယ်။ ဘာကြောင့်လဲ ဆိုတော့ သူကမီးခိုးဗုံးလို့လက်ပံတောင်း ကိစ္စမှာ ပြောခဲ့လို့ဘဲ။ အခုလည်း စစ်ဗိုလ်ချုပ် အဟောင်း အသစ်တွေကို မျက်နှာချိုသွေးနေလို့ဘဲ။ဒါကြောင့် တိုးတက်ဂိုဏ်းတွေအနေနဲ့ ပြည်သူတွေ ဘ၀တိုးတက် ရှင်သန်ဖို့ ဖေါက်ပြန်ဂိုဏ်းကို ဆန့်ကျင်ရင်း၊ စစ်အာ ဏာထောက်တိုင်တွေကို ရဲရဲရင့်ရင့် အနစ်နာခံတိုက်ပွဲဝင်ရင်ဆိုင် ဖယ်ရှားရမည် တာဝန်တွေရှိ လာနိုင် တယ်။ပိ လာ နိုင် ပါတယ်။ဒါပေမဲ့ လူထုရဲ့ နိုင်ငံရေး နိုးကြားလာမှုနဲ့ ဒီမိုကရေစီ ရောင်ခြည်လေး သန်းလာတာ၊နည်းပညာသစ်တွေက သတင်းပြန့်နှံ့ရေး၊ အသိဖလှယ်ရေး၊ စုစည်းရေးတွေက တိုက်ပွဲကို များစွာ အထောက်အကူပြုနေပါလိမ့်မယ်။ ပြီးခဲ့တဲ့ ရွေးကောက် ပွဲရ လာဒ်ကလည်း လူထုစစ်အာဏာရှင် အုပ်စု ကြံ့ဖွတ်ကို ဘယ်လောက်ရွံမုန်းတယ် ဆိုတာပြသခဲ့လို့ဘဲ။
အခုတော့  အင်တာနက်မှာ ဖက်ရတဲ့စာထဲကလို ရန်သူစစ်အာဏာရှင်တွေက ခြေဥရယ်၊ ရွေးကောက် ပွဲ ရယ်၊ ဒေါ်စုရယ် ရသွားတော့မည့်ပုံတွေတွေ့နေရတယ်။ လက်ငင်းတော့ မြေပေါ်တိုက်ပွဲမှာ ၂၀၀၈ ခြေဥ ဖျက်သိမ်းရေး၊ စစ်အာဏာရဲ့ ထောက်တိုင်တွေ ပယ်ဖျက်ရေးကို ဒေါ်စုနဲ့ နောက်လွှတ်တော်က ဟန်ပြလုပ်၊ အချိန်ဆွဲရင်း စစ်အာဏာသက်ဆိုးရှည်စေမှာဖြစ်ပါတယ်။
 စစ်ပဒေသရာဇ် စံနစ်ကအရင်းရှင်စံနစ်ကို ကူးပြောင်းရာမှာ အရင်းရှင်စံနစ်ရဲ့ လက္ခဏာဖြစ်တဲ့ တရားမျှ တာတဲ့ရွေးကောက်ပွဲနဲ့၊ ပုဂ္ဂိလပိုင်ဆိုင်ခွင့် ( လယ် လုပ် သူလယ်ပိုင်ခွင့်) နိုင်ငံရေးလွတ် လပ်ခွင့် တွေ၊တန်းတူအခွင့်အရေးရပိုင်ခွင့်တွေ အပြည့်အ၀ရရှိရေး တိုက်ပွဲ တွေဟာ ကျွန်တော်တို့ ကိုယ်တိုင် မဖြစ်မနေလုပ်ဆောင်နေရဦးမည့်တိုက်ပွဲတွေ ဖြစ်မြဲ ဖြစ်နေမှာပါ။
စစ်အာဏာရှင်စံနစ်က မြန်မာပြည်မှာ ပျောက်သွယ်တာမဟုတ်ဘဲ ဒေါ်စုခေတ်မှာလည်း ပုံစံတမျိုးနဲ့ ရှင်သန်ကြီးထွါးရင်း ပြည်သူတွေအပေါ် သဏ္ဍာန်သစ်နဲ့ ဆက်လက်သွေးစုတ်နေဦးမှာဖြစ်လို့ အနီးဆုံးဘူ တာဖြစ်တဲ့  အရင်းရှင် ဒီမိုကရေစီ စံနစ် အပြည့်အ၀ ခံစားနိုင်ရေးအတွက် အဖိနှိပ်ခံ လူတန်းစားများက ဆက်လက်တိုက်ပွဲ ၀င် သွားရမှာသာဖြစ်ပါတယ်။
စစ်အာဏာရှင်စံနစ်ကို ၀ိုင်းတိုက်ကြ။
ဖေါက်ပြန်ဂိုဏ်းကို ဆန့်ကျင်ကြ။
လူထုအစိုးရ ပေါ်ထွန်းရမည်။
ဦးအေးဆောင်
နိုဝင်ဘာ ၂၃၊ ၂၀၁၅။